لو فاكر الناجحين بيشتغلوا في الـWeekend والأجازات، الحقيقة هي لأ

من وقت ما بدأت في السعي وراء شغفي، في المبادرات او تحمل المسئولية في الاعمال التطوعية ومنها لمشاريعي الخاصة، وانا كنت في كل لحظة تفكيري مشغول بالحاجات اللي باعملها، وشغفي كان بيكون قوي لاقصى الدرجات.
إلى ان تأتي مرحلة افقد فيها كل الشغف وافقد كل الطاقه، بدون سبب فجأة الاقي نفسي مش قادر اكمل الطريق.

يمكن أن يعمل الناس 8 ساعات يومياً من أجل الراتب، و10 ساعات من أجل المدير الجيد، و24 ساعة من أجل فكرة يؤمنون بها – برنارد شو

family9في الاول كنت فاكر المشكلة عندي، لكن مع الوقت وبالبحث في الموضوع عرفت ان الغالبية وبالمقولات الحماسية زي اللي فوق دي، بتخلينا نصرف طاقتنا ووقتنا بشكل خاطئ تماماً وغير منطقي بالمرة.

الإنسان عامل زي البطارية في كل حاجه ( جسمه، تفكيره، طاقته، … الخ)، لازم كل فترة يفصل ويبدأ يشحن من الأول تاني عشان يقدر يكمل ويواصل.

الـVlog ده فيه جزء بسيط، ازاي باقضي يوم الجمعه

السعادة ليست جاهزة الصنع، إنها تأتي من أفعالنا ~ ديلي لاما

الناجحين بيعملوا ايه في الـWeekend

وبعد قراءة في مقالات وابحاث مختلفة مع تجاربي البسيطة اتوصلت لقائمة لمجموعة من حاجات الناجحين بيعملوها عشان يستفادوا من وقت نهاية الاسبوع (الـWeekend) والاجازات بشكل كويس يحقق هدف (الشحن).

1. القراءة – سواء قراءة في مجالاتهم او في الادب والروايات بشكل عام، فانك تكون دودة قراية بتضيف عليك كتير وبتعيشك بعيد عن اي ضغوطات.
2. الأسرة – بيقضوا وقتهم مع الاسرة، ويحاول يوصل اللي بتقطعه ايام الشغل وزحمة الحياه.
3. الرياضة – بيمارسوا رياضة عشان جسم صحي وعشان تقدر تستمع بحياتك بجد.
4. الهوايات والاهتمامات – بيطاردوا اهتماماتهم المهملة، عشان الشغل مش هو الجانب الوحيد في حياتنا.
5.الاكل – بياكلوا كويس واللي نفسهم فيه، عشان لازم تكافئ نفسك ولو بأكله حلوه.
6. النوم – بيناموا كويس وبدري عشان يريحوا جسمهم وعقلهم ^_^
7. اتعلم حاجه جديده – الناجحين بيتعلموا حاجات جديدة عشان يقدروا ينفذوا اللي بيفكروا فيه.
8. الطبيعة – بيروحوا لاماكن الطبيعة والخضرة او البحر عشان يستشعروا جمال هذا العالم 😉
9. افصل – بيقطعوا الاتصال بكل شئ Disconnect الانترنت والموبايل وهكذا، ويقضوا وقت مع نفسهم في عزلة ايجابية.

وانت في رأيكـ، ايه اللي ممكن تعمله في الـWeekend وتضيفه للقايمه دي ؟؟

Share on Facebook17Tweet about this on TwitterEmail this to someone