سلام من الله عليكـ ورحمه منه وبركاته،
كمصمم واجهات تطبيقات وويب، من فترة سألت عالسوشيال ميديا سؤال عن تعمل ايه مع العميل اللي يرفض شغلك بعد ما تعبت فيه 
?
ودول 6 حاجات وصلتلها تعملها 
?
دليل المصمم الغلبان في التعامل مع العميل الطهقان ؟
1. جاوب على ليه وازاي ؟
انت المتخصص وانت اللي عليك حمل ومسئولية تشرح وتوضح ليه الجزئية دي، وازاي دي هتشتغل وازاي دي هتتعمل وازاي دي هتفيد، وريله حاجات شبيه بشغلك بس خليك ناصح ?
بالتأكيد العميل بيدور على الأفضل، بالرغم ان ما فيش حاجه اسمها كده في عالم التصميم بس اهو كده حاول تساعده بخبرتك انت 
?
2. راقب كلامه كويس
هنا بعد ما حاولت تقنعه اد ايه تصميمك مفيد لمستخدمينه وبردو ماقتنعش 
? يبئا هتحاول ترضيه هو اكتر وتركز عالـLooks& Feel اكتر فراقب واعرف هو بيحب ايه زي الألوان، الشكل، الستايل، او اي تفصيله وهكذا هو مش قادر يعبر عنها بكلامه.
يعني لو بيحب البهرجة والحبشتكنات، حبشتكنهالوه 
?
3. فكروا لو ما كانش فاكر
يعني ببساطه حتى لو كان شاف شغلك قبل كده، وريله احسن شغلك تاني وقول انطباعات العملا السابقين عنك وانك حد خبره مش قليل .. وان مش دي اول مره بالنسبالك، وضيف حته كده (الكريزة) عالكلام .. ان كل ما تتواصلوا سوا اكتر هتطلع بشغل زي اللي طلعت بيه قبل كده واحسن، وان الحاجه الـPerfect اللي عايز يوصلها بتيجي بعد عمليه طويلة
من التطوير ?
4. اربط الحُمار مطرح ما يعوز صاحبه 
?
لو تعبت نفسك وعملت كل اللي عليك وقعدت تعمله وبردو مش مقتنع، متنفعلش ودايماً قول (اكيد، هاعمل زي ما حضرتك طلبت ?)، ومتحاولش تجادله خالص، انت Already عملت اللي عليك معاه قبل كده وفي نفس الوقت مش عايز تخسره، ومتخسرش نفسك في الاخر ده مجرد عميل واحد 
5. اديله وضعه وخليك على وضعك 
يعني لو مش موافق على افكارك، قوله هنبدأ من جديد وابدأ معاه حته حته واشركه في كل تفصيله مهما كانت كبيرة او صغيره 
وكل مرحلة بتعملها، عشان في النهاية الناتج يكون بتاعه مش بتاعك
هو صحيح احنا مش شاكوش في ايد صاحب الكرسي، بس معلش تعالى على نفسك شويه 
?
6. ده وقت (بالسلامه السلامه يا حبيب قلبي 
?)
جربت معاه كل التصميمات الحلوة اللي بمزاج والمطلسئه اللي ع كيفه وبردو مش مقتنع.
لازم تعرف الحد اللي لازم تقف عنده في اي مشروع او شغل، متخليش حد يديرك حتى لو معاه فلوس عيله ساويرس 
?
وقتك هو اثمن حاجه عندك اصلاً ومتضيعوش في انك تقنع حد كده، وانت اكتر حد تقدر كام محاولة قبل ما تقوله Game Over يا بابا 
✋
—————–
الخُلاصة
في الغالب هتتعرض لمواقف كتير زي كده، سواء غلطتك او سوء تواصل او العميل مش عارف عايز ايه اصلاً، لكن انت مصمم محترف لازم تعرف تتعامل ازاي مع مختلف انواع العملا في مختلف المواقف.
المفتاح 
? هنا هو انك تكون صبور وتحاول تفهم ايه احتياجاتهم وتشوف ازاي توصل لتوقعاتهم.
حسك الفكاهي وذكائك عامل مساعد كبير وهتكسبهم بالخبره وبالشغل، وحتى لو العميل رفض كل افكارك ومحاولاتك 
إحترمهم ومتردش بأي تعليقات سخيفه (فاهمني 
)
كمصمم وظيفتك بتستند على علم بيتقدم بفن أصلاً وصبرك هيحسبلك طول العملية دي
