التدوين

20 يناير، 2008

تعليق واحد

سلام الله عليكم ورحمة منه وبركاته ،


في البداية هاتكلم على حكايتي أنا مع التدوين وبدايتي كانت أزاي او الفكره جاتلي أزاي …


هي الحكاية أبتدت لما أصحاب ليا كتير وبحكم خبرتي في عالم تصميم المواقع بالذات أبتدوا يطلبوا مني أعملهم تصميمات لمدوناتهم أو أعدل تعديل بسيط على أشكال المدونة أو أدلهم على المكان الأفضل اللي يقدروا يعملوا فيه مدونة كويسة ….


فأنا لقيت ان المدونات فعلا وسيلة للتعبير عن الرأي أو التجربة الشخصية رائعه … فبدأت في عمل مدونتي…



وكان المقصود منها أو الهدف منها هو أني أفضفض باللي في دماغي واعبر عن اللي جوايا بالرغم من أني لست كاتباً بارعاً … بل مجرد شاب عادي جداً زي كل الشباب في بلدنا …
وانا مش واد سوبر باعرف في كل حاجه عشان اتكلم عنها لكن أنا ماحددتش طريق للتعبير عن اللي في دماغي …


أنا بقول اللي أنا عايزة أن كان في سياسة …. تجربة مريت بيها …. رياضة … قضية مهمة شاغله الناس …وأنا مش الواد الفت اللي عنده كل الحلول لكن بحاول أأوول اللي جه على بالي وياريت لو انا غلطت حد يصلحلي وينصحني …


والتدوين وسيلة جميلة فعلاً للفضفضة ولبحث المشاكل وتلاقي أفكار وأراء كل الشباب ولأنها حاجه بدءت تشد الشباب بدرجة رهيبة دلوقت وده شئ كويس مش وحش ….
بس ياريت ونصيحة لكل واحد متنساش ان الله يراقبك ….


وفي الختام سلام من الله عليكم ورحمتة وبركاته،

نُشرت بواسطة

أحمد فارس

مصمم واجهات مواقع انترنت وتطبيقات موبايل وكذلك متمرس في تطوير مواقع الانترنت، اهتم واتعلم تجربة المستخدم،مسلم مصري مهتم بالاعمال والانشطة التطوعية،مؤمن بالريادة كاسلوب حياة بترك واحداث الأثر والعيش بالتحديات المخلوطة بالشغف، لذلك اسست المجرة كأول مساحة عمل مشتركة بالشرقية، ومؤسس مشارك بمبادرة مواعيد ، وايضاً محاضر في تصميم/تطوير الويب وكاتب بعدد من المواقع التقنية.