لماذا من الأفضل أن تتظاهر بأنك لا تعرف شيئا عن الكمبيوتر!

بتحصل لأحسن الناس؟
هاحكي قصة صغيرة أوضح بيها وجهة نظري!
بيجيلك واحد صديقك أو معرفة أو حتى من العيلة عايز مساعده منك عشان عرف أنك باشمهندس كمبيوتر.
بتبدي الحكاية بخدمة صغيرة ولانه حد قريب منك ما تقدرش تقوله لأ.
مثال:
يقولك ممكن تيجي تشوفلي الجهاز بتاعي … مش هاخد من وقتك اكتر من خمس دقايق .. دي حاجه صغيرة
وطبعاً بطيبة وحسن نيه تقبل وتروح معاه تشوف ايه المشكلة.
يقولك جهازي مش عارف ليه بطئ .. مع اني منزلو ويندوز اكس بي “يالهوتي السوده.. انا ايه اللي وقعني الوقعه السوده دي”
في العاده بيكون الجهاز قديم جداً من العصور الوسطى “من ايام فحت البحر” وبيكون مبهدله ومليان تراب وعنكبوت من جوه الكيسه والسلوك متلعبكة في بعضها وطبعاً بتكمل جميلك للأخر وتنضفله جهازه.
والكارثة ان الخدمة الصغيرة كبرت واتقلبت لصيانه شامله لجهاز سعادته “ناس معندهاش دم” وتتوالي الطلبات والخدمات“انا اللي جبته لنفسي”
وأول ما تعمله الخدمة يعتبرك عبقرينو الكمبيوتر اللي ما حصلش ومن ساعتها يخليك الدعم الفني المجاني بتاعه ويكلمك على التليفون على اي مشكلة عنده حتى لو كانت صغيرة.

مثال:
يتصل بيك عشان يقولك انه نزل عنده فيروس ومش عارف يفتح حاجه في الجهاز وعايزك تجيله تعمله سكان.
ويبتدي بقى يسألك في كل حاجه تخص الكمبيوتر من برامج وألعاب وأفلام وأغاني ويطلبها منك.

مثال:
يقولك ممكن تجيبلي اسطوانه ويندوز سايكو … انا عارف انت اد ايه عبقري في الحاجات دي وياريت كمان تجيبلي كام لعبه للعيال على كام فيلم اتفرج عليه انا والمدام.

وربنا معاك بقى في اي موقف او مناسبه تقابله فيها او حتى يتكلم مع حد عنك.

وممكن بعد كده يقولك أعملي أيميل وموقع ويكون عايز فيه حاجات بتجري وبتنط وبتلعب.
وخلاص بقيت انت الدعم الفني لكل حاجه بتشتغل بكبس كهربا مش الكمبيوتر وبس …. وياليلتك السوده لو ما عملتلوش خدمة من اللي بيطلبوها تبقى انت لا بتفهم حاجه في الكمبيوتر ولا عمرك فتحت كمبيوتر ويمشي يسيطك ادام كل الناس.
ما انت اللي جبته لنفسك يا باشمهندس
النهاية


Comments

13 رد على “لماذا من الأفضل أن تتظاهر بأنك لا تعرف شيئا عن الكمبيوتر!”

  1. ههههههههه
    يابن اللذينا يخربيت شيطانك يا فارس

  2. هههههههههههههههههه
    على كده هتشتغل ايه بقى يا هندسسسسسسسسسسسه =))

  3. والله بيحصل ووجع دماغ بس معلش

    قضاء حوائج الناس

  4. ياعم روق وزقطط وروق وزقططط أكده

  5. ههههههههههههههههههههههههههههه

    معاك حق والله يا احمد .. اللي الواحد بيشوفه من الناس يخليه يحرم ويندم مليون مرة انه قال انه بيعرف كمبيوتر .. ويكره حتي اليوم اللي عرف فيه كمبيوتر ..

    في ناس كدة للأسف ما عندهاش دم

  6. الصورة الرمزية لـ إسراء محمود
    إسراء محمود

    هههههههههههههههههههههه
    ياخوفي يا باشمهندس تكون حاططني من ضمن الناس اللي معندهاش دم دول
    بس انت على فكره خدوم أوووي ولا يكونش بس مش عايز تزعل حد لكنك بتكون متضايق
    عالعموم الصح ان ما حدش يتقل عليك

  7. هههههههههههههههههههههه
    مجرررررررررررررررررررررررررربة والله يا احمد
    بس انا بصراحة بستمتع
    بستمتع بإني بخدم اصحابي وبإني مميزة في حاجة معينة
    دا غير اني بستمتع بالافتكاس في الاجهزة ههههههههه

  8. ههههههههههههههههههههههههههههههههههههههههههههههه
    والله مش ممكن فعلاً انت بتحكي واقع دده والله بيحصل معاية وامبارح أقرب مثال واحد جارنا قالي دقيقين هتشوف بس الجهاز فيه ايه ابص الاقي عليه فيرس وعايز نسخة ويندوز فعلاً حاجة جناااااااااااااان والله معاك حق

    تدوينة جامدة لحياتنا العملية

  9. ايون فعلا فاكر الراجل اللي جالك يقولك بعد ازنك يا استاذ أحمد ممكن تشوفلي الموبيل ده مش فاكر كان متفيرس ولا ايه انت بقيت ماركه مسجله يا ابو فارس

  10. ههههههه والله كأنك تتكلم عني شخصيا.. كثيرا ما وقعت في هذا المأزق ولكن الان اعتذر للكل أني معرفش او لا املك نسخة الوندوز..

  11. الصورة الرمزية لـ غير معرف
    غير معرف

    هههههههههههههههههههه عندك حق والله يا بش مهندس 😀
    لوللا عادل

  12. تسلم ايدك بس يارب منكنش من الناس الى بتتخنق منهم دول

  13. الصورة الرمزية لـ غير معرف
    غير معرف

    هههههه

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *