بتخاف ليه

10 سبتمبر، 2007

تعليق واحد

خليك إيجابي

أنت خايف من أيه؟اسكت الحيطان ليها ودان . أشتاتاً أشتوت . العفو والسماح يا اسيادنا مكنش يقصد .. سامحوه مكنش يقصد سامحوه .. دى حاجة شخصية وكل واحد ليه شئونه الخاصة ..

عبارات كثيرا ما نسمعها من الناس اذا تكلم احد عن السياسة او موضوعات اخرى ….
لماذا نخاف ولماذا لا نتكلم بصراحة ، بنخاف من ايه وليه ؟
دلوقتى كل حاجة فى بلدنا بقت مفتوحة للجميع والمطلوب الكل يتكلم وبجرأة ويشارك وبحق ويبعد عن السلبية ، دى مش دعوة للمشاركة بس دى دعوة مننا لنكون ايجابيين كلنا ، والانسان الايجابى هو الانسان المشارك اللى عارف بلده رايحة فين واللى عارف نفسه عايز ايه وعايش ليه ودوره ايه ، ياريت كل واحد فينا يحدد لنفسه دور وياخد الحياة جد شوية وبلاش نضيع الوقت فى كلام مالهوش معنى، ” انا خايف ده الحيطة ليها ودان ” .
ده كان زمان يا صديقى مافيش ودان ولا فيه حيطان ، فيه انسان قادر على المشاركة وانسان خايف وسلبى ، وهو ده اللى لازم يتغير للافضل للاحسن . كل الشباب دلوقتى بيتكلموا فى اللى عايزينه واللى شايفينه وبيقولوا رأيهم ليه ماتبقاش زى الشباب دول تتكلم فى كل حاجة وعشان تتكلم صح وماتقولش أى كلام لازم تبقى عارف الحقيقة فى كل الموضوعات وفى كل الجوانب الخاصة باى موضوع علشان ماتفتيش وبس لازم تعرف أولا وعلشان تعرف لازم تقرا عن الموضوع من كل جوانبه ولازم تقرأ لكل الناس ولكل التيارات علشان تقدر تحكم على الأمور بحيادية ونزاهة وتقول رأى صح ، هى دى الوسيلة اللى من خلالها حاتتكلم فى كل حاجة وتقول رأى مفيد واقتراحات جديدة ولا إيه . طيب ياعم قولنا رأيك فى الموضوع .