شهر رمضان

13 سبتمبر، 2007

أضف تعليق

“رمضان”
أقبل شهر رمضان الكريم .. شهر الخيرات .. شهر المغفرة والإحسان
شهر ينتظره كل المسلمين كأنه عيد

أنا في بالي كام سؤال عن رمضان واللي الناس بتعملوه في رمضان
أيه اكتر حاجه بتحسسك برمضان؟
ياترى هي الفوانيس والزينة “أفتكر دي للأطفال أكتر” ولا يا ترى أعلانات التليفزيون والمسلسلات بتاعت رمضان ولا أغاني وأناشيد رمضان.
ولا ياتري أضواء الشوارع الجميلة لكل المحلات
ولا يا تري بدء ظهور الشحاتين والمتسولين
ولا ياتري بدء ملئ الجوامع بالمصلين وما يكونش في مكان لرجل وأنا مش باتكلم عن صلاة الجمعه بس لأ طول اليوم أشمعنه رمضان بس المساجد بتتملي وتكتظ بالمصلين والخير بيزيد.
ليه في ناس فاكره ان الصيام أكل وشرب بس؟
تلاقي الناس ماشية مش طايقة نفسها ويقولك اصلي صايم لأ غلط الصيام مش كده الصوم هو الصيام عن أي شئ يغضب ربنا وأنك تكون أنسان متفاهم اكتر.
يعني مش تكتر الخناقات في الأتوبيسات والمواصلات ..
وليه بس في رمضان الخير بيزيد برضه ليه مش طول السنه يكون في موائد رحمن وناس بتزور بعضها أشمعنا رمضان …
أنا عارف ان رمضان شهر الخير .. لكن المسلم لازم يتعلم من رمضان ويكمل في كل العبادات زي رمضان .. ليه طول الشهر بتقرى قرآن وبعدين لما يخلص ما بتفتحش المصحف
رمضان شهر كريم وفرصه لطلب المغفرة من الله عز وجل وكمان فرصه لأعادة حساب النفس وتأهيئته وتدريبها مرة تانيه على كل العبادات .
المهم أنا مش عايز أطول عليكم
نسيت أقولكم كل عام وانتم بخير ورمضان كريم.